رابطہ عالم اسلامی کی جانب سے متعدد عرب ممالک پر ایرانی جارحیت کی شدید مذمت

مکہ مکرمہ:

رابطہ عالم اسلامی نے متعدد عرب ممالک پر ایرانی جارحیت کی سخت ترین الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی نے اس حملے کی شدید مذمت کرتے ہوئے اسے مذہبی اقدار اور بین الاقوامی و انسانی قوانین اور روایات پر کھلی جارحیت قرار دیا۔ انہوں نے عالمی برادری اور اس کے تمام متعلقہ اداروں سے مطالبہ کیا کہ وہ اس جارحانہ طرز عمل کے خلاف سنجیدگی اور مضبوطی کے ساتھ مؤثر اقدامات کریں ۔